澳葡牛奶餐室

營業中

休息中

有兩年幾未去澳門，都掛住澳門啲嘢食，所以去咗深水埗汝洲街278號地舖（近西九龍中心附近）店名澳葡牛奶餐廳食晚餐。落咗單之後好快先嚟熱正宗雙皮奶，白白滑滑的奶香味還有少少甜，糖的比例啱啱好，口感好滑，我很喜歡。熱薑汁撞奶又係少甜食到有啲薑味，相信冬天食一定好正。宇治金時鮮奶抹茶➕紅豆真係夏天消暑飲品，紅豆粒粒飽滿帶甜，好味。巨人豬扒包真係名符其實好大個豬扒包，個包有烘過嚟有脆脆的，豬扒又夠厚身，食落口啖啖肉，口感豐富。瑞士雞翼甜甜的瑞士汁融入晒整隻雞翼入面好入味肉質鮮嫩好正。葡汁牛脷焗飯賣相好吸引金黃色葡汁鋪晒上面還有少少燒焦，果然真正焗出嚟，牛脷夠冧有黑椒碎辣辣哋好醒胃。豬扒牛奶濃湯意粉，件豬扒醃得好入味又夠厚身有成13mm厚，湯底奶香味都夠濃，至於意粉唔會太冧有啲口感，價錢又大眾化值得推介。