2
招聘中
【募集中】兼職 - 樓面/廚房
$50-$70
時薪
【募集中】全職 - 侍應/壽司廚師
$15,000-$18,000
月薪
21
14
5
餐廳: 元気寿司 (新翠商場)
資訊:

為鼓勵食肆透過提供食物份量選擇和採取減少廚餘措施，與顧客共同從源頭減少廚餘，環境保護署推出了「咪嘥嘢食店」計劃，參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼，以供張貼於店舖內和宣傳，供顧客識別。此計劃全年均接受申請，申請費用全免。

詳情可瀏覽：https://www.wastereduction.gov.hk/zh-hk/waste-reduction-programme/food-wise-hong-kong-campaign
等級4
149
0
唔係元氣，係激氣...
2008-05-03 17 瀏覽
因為想食壽司兼懶，結果揀了區內o既元氣，諗住爛船都有三分釘。可惜一去到，其實都已經係早到，才六點左右，竟然要等位，諗住係咪咁多人呀？？望o下入面又大把吉位喎，左望右望至發現原來係冇人做帶位，結果個個要排隊等班「好忙」周圍跑來跑去又忽然發現你o既侍應安排入座。咁都算啦！最抵死係佢安排你坐果o的位又咁垃圾得咁垃圾...唔係死角唔安排你坐，呢個都算，我只係食野，但問題係你唔好連冷氣都慳番，食咁耐壽司，食到出汗，自己同對面枱o既食客係咁用餐牌當扇撥都係第一次。同佢講話開大o的冷氣又當你耳邊風...結果又頭到尾我就係溫室度食壽司，或者佢地驚我個唔會痾死吧...咁講番食物又點呢？對上果次食元氣o係係時代果間食，果陣時感覺良好，諗住柴灣呢間o既質素應該唔太差吧！點知o的三文魚刺身，一食成口雪味都算，最慘係冇味道，佢o既質素同韓燒任食果o的差唔多，或者咁講根本係同最多人罵o既明將差唔多，除咗刺身，其它壽司，o的飯唔係一夾即散，就係舊肉冇味，食來食去都只係覺得係疑似魚生，好老實咁o既質素真係出乎意料之外，而且最搞笑係order咗即製燒三文魚同鰻魚壽司，諗住即燒會熱辣辣，點知又係給我一個驚喜，竟然一咬落去
更多
因為想食壽司兼懶，結果揀了區內o既元氣，諗住爛船都有三分釘。
可惜一去到，其實都已經係早到，才六點左右，竟然要等位，諗住係咪咁多人呀？？望o下入面又大把吉位喎，左望右望至發現原來係冇人做帶位，結果個個要排隊等班「好忙」周圍跑來跑去又忽然發現你o既侍應安排入座。咁都算啦！最抵死係佢安排你坐果o的位又咁垃圾得咁垃圾...唔係死角唔安排你坐，呢個都算，我只係食野，但問題係你唔好連冷氣都慳番，食咁耐壽司，食到出汗，自己同對面枱o既食客係咁用餐牌當扇撥都係第一次。同佢講話開大o的冷氣又當你耳邊風...結果又頭到尾我就係溫室度食壽司，或者佢地驚我個唔會痾死吧...

咁講番食物又點呢？對上果次食元氣o係係時代果間食，果陣時感覺良好，諗住柴灣呢間o既質素應該唔太差吧！點知o的三文魚刺身，一食成口雪味都算，最慘係冇味道，佢o既質素同韓燒任食果o的差唔多，或者咁講根本係同最多人罵o既明將差唔多，除咗刺身，其它壽司，o的飯唔係一夾即散，就係舊肉冇味，食來食去都只係覺得係疑似魚生，好老實咁o既質素真係出乎意料之外，而且最搞笑係order咗即製燒三文魚同鰻魚壽司，諗住即燒會熱辣辣，點知又係給我一個驚喜，竟然一咬落去係冰凍的！勁！又係一夠疑似燒三文魚...加埋一o的已經轉到舊肉變黑o既壽司...唉，小弟已經坐o係出菜位叫做食頭圍，真係唔知尾圍果啲點...

最後，由於個個都唔要果啲一碟碟鋪滿水蒸氣o既壽司，結果竟然又位侍應走去枱尾果度拎起塊應該抺個枱o既布，逐碟拎起個蓋，然後用呢塊唔知係乾淨定係污糟o既布抺走蓋入面o既水蒸氣，然後再擺番上去
，等大家感覺好似新鮮啲...

咁o既價咁o既服務...真係懷疑自己係咪去錯地方...
(以上食評乃用戶個人意見 , 並不代表OpenRice之觀點。)
  • 推介
    已推介
  • 檢舉
張貼
評分
味道
環境
服務
衛生
抵食
人均消費
$110 (晚餐)