和平飯店 (V Walk) (已結業)

唔好意思唔係講食，因為冇得比你食，我表達能力差，辛苦各位眼睛。由於朋友介紹話好食，所以想黎試下，6點幾近7點黎到，晚市岩岩開始一陣，見門口冇人等位，所以就快快腳走去拎飛攞位，見下一個號碼到我地，諗住好快就有得入去啦，點知等左15到20分鐘都仲未叫飛，而且門口又長期冇人睇住，所以就行入場內望一望睇下有冇位。入到場內見到有成6～7張4人空檯就覺得奇怪，咁岩個部長又走出黎問我地幾位，咁我地就答佢‘’4位‘’ 又再問下佢 ‘’入面有好多空位係味可以嗌飛比我地入去？‘’點知個部長聽完冇帶位不特止，仲粒聲唔出咁走左去同同事傾計傾左成2，3分鐘，然後又走左去完全唔理我地，最後我地就咩都冇食過就走左嚕。所以大家想食好野唔一定要黎呢間，就算好食到可以升仙都唔需要揀呢間野，因為佢地根本唔休做，所以都唔洗浪費時間同錢黎排隊同洗費。當然我以上講既都只係個別例子，我始終都冇入到去食，純粹表達比大家知，你想入去食佢都未必比你食，何必要作賤自己去埋呢啲地方呢？感謝您地睇哂我呢編廢話，謝謝。