茶軒台灣料理珍珠奶茶 (已結業)

銅鑼灣中午食飯好多地方都要排隊, jade pearl亦唔例外. 但係茶軒可能因為夠大, 排隊既時間特別少, 所以呢日lunch我地就去左食台式午餐.我自己覺得銅鑼灣旺區食野就一定係貴架喇, 所以見到價錢都無咩反應. 但朋友見到餐牌後話台式野食做咩會賣到咁貴...我自己叫左上海排骨菜飯. 呢個係我一向好鍾意既菜式. 雖然份量方面明顯係比較少(唔似得xxx快餐廳咁多飯同咁大塊排骨), 但味道唔錯, 菜夠多, 飯夠香, 同埋排骨都唔油.朋友叫竹筒肉燥豆腐飯. 呢個飯當然都係唔多, 盛係個小竹筒, 幾香幾靚. 不過朋友話略為油膩, 食完亦見到成個小竹筒都好油...除此之外, 我地仲叫左小食同味菜分享. 炸蚵仔幾好食, 炸得夠香脆, 亦上枱熱辣辣. 食落有d黑椒味, 幾正.其實成餐飯都可以接受, 只係份量如果大d就好...