新釗記茶餐廳 (已搬遷) 新店位置

去左葵芳行街, 無意中見到新釗記, 肚仔又有d餓原來已經下午2點, 係下午茶時間, 入去同老公坐左一張近門口二人卡位, 侍應手快快放低2 杯茶企o係度等我地叫野, 因為太多選擇, 我地遲遲都未叫, 侍應都未有黑面等小動作最後我同老公都選擇常餐($29) 同凍飲($2) 我就食沙爹牛肉拼叉燒米粉, 跟奄列多士凍檸茶, 老公叫沙爹牛肉拼肉丁出前一丁 (出前一丁唔使加錢老公話抵d), 跟奄列多士凍咖啡少甜... 望左一眼商場,檸茶突然出現我面前, 都見唔到侍應放低, 快雖然係好, 但係放低唔出聲, 有食客唔留意好容易撞到d食物... 眼見杯檸茶都幾大杯下, d冰粒係細細粒唔係太多, 有荼既香味好飲, 老公既咖啡佢都話唔錯, 唔會太淡, 跟住我地既奄列多士到左, 係半塊厚多士, 面塗左好多牛油, 但食o個時係凍, 奄列就出煙, 老公就無食到多士, 而奄列生生地老公話好食, 我都覺得唔錯!! 最後我既沙爹牛肉叉燒米到左, 第一口叉燒,唔好食,淡而無味, 而沙爹牛肉用叉吉起一抽過, 味就幾好, 賣相唔得 永遠 出前一丁都係等最耐, 碗麵肉丁唔多, 但肉丁油超多, 多到我畢左幾匙更落自