富聲魚翅海鮮酒家 (已搬遷) 新店位置

想試新式點心，朋友介紹銅鑼灣的富聲，話雖然選擇雖然少，但勝再夠特別，即管一試。富聲金錢雞 $60夠分量，味道甘香，用fusion造法，中間夾左法包，底層有酸薑同生菜中和肥膩感。配搭同味道都唔錯，不過法包韌。煎釀百花蘿蔔糕 $29蘿蔔糕夠清香，配以炸得香口的蝦膠脆皮，外脆內軟層次豐富。荷葉糯米藥膳雞 $26幾有心思，配上紅棗及杞子作餡料，有富藥材香味不過唔知點解勁甜；同埋雞有好大舊骨，肉太紅明顯不新鮮，無糯米香同幾油膩。總括來講，點心款式係有花心思，不過材料好一般，唔見得特別新鮮；座位好逼。點心上檯時間長，應該都係即叫即蒸既。