創意廚房 (已結業)

平時成日行過間餐廳, 佢真係最少人入黎，諗住今日行過去食 Tea. 揀左巴東牛肉拉麵配凍奶茶 , 盛惠 30 元首先係杯奶茶，因為佢做台式食物，用左台式珍珠奶茶的做法沖，問題係佢俾我感覺唔到台式奶茶的味道，換來的係放得太耐的茶 (茶酸的程度...awful) ~，而且杯野的奶真係多得滯, 我平時愛飲奶茶的, 都決定放棄飲剩三分一。之後個拉麵，拉麵唔夾巴東牛肉，雖然巴東牛肉的味道真係好有水準，鬆軟程度甚至係一流。不過味道的野，唔夾就係唔夾，放埋係一齊的味道真係差很遠，如果佢碗麵入面有少少醬汁，我相信還好少少。簡單來講，我今次食完之後覺得麻麻，不過仲有興趣再試佢的小食或其他野, 睇係咪咁惡劣。至於招呼及熱情度，雖然今日冇咩招呼, 但 family 式的經營, 聽到講野對話, 我都覺得間野的招呼應該唔錯。