焰拉麵 (已結業)

今日去左元朗，於是係個頭搵野食。話說教育路，即B仔涼粉個邊係成條街都係食肆，搵食極方便。我就一早知喱邊有間焰拉麵所以過黎試吓。我係星期六1點左右去到，又假期又午市，但都冇乜人，鋪頭坐唔滿。裏面算係寬敞，門口有張六人台，入面有bar枱有貼住牆嘅二人枱咁。睇番個餐牌，其實拉麵幾抵食，可能始終係偏遠區域租金平。餐牌後面有飯同飲品、甜品，不過黎拉麵店就緊係食拉麵啦。佢地都係用點餐紙，但個設計好花，令啲字極難睇。我叫左最basic嘅豚骨拉麵($58)，一如既往要硬麵。而我朋友就加左$20要套餐。雖然凳底就冇位放袋，但鋪頭啲凳大大張，放袋係背脊都依然坐得舒服。牆身有鈎可以掛衫都真係好好嘅設計。根住我地又睇下啲配料先。有蒜頭，七味粉，同…辣油(?!),oh。冇芝麻冇醃芽菜食嘅。水係自己斟，不過摸摸個壺，啲水暖嘅…其實食拉麵係應該俾冰水嫁!等左3分鐘倒，麵就黎喇。我個frd個套餐好豐富啵。不過奇怪嘅事就發生喇，點解麵都未食就上替玉嘅…?咁麵到食個陣咪凍晒囉…唔好理住，食左自己個碗先。睇吓個樣，個賣相好唔錯，有京蔥，有荀絲同木耳。個湯偏深色，個稀"傑"度好正常嘅，飲落就有少少咸，但豚骨味唔重，唔太吸引。