BRICK LANE Deli (已結業)

之前仲返緊舊工，同J生去沙田新城市食晚餐🥣，諗住開係大商場都唔會太伏掛，點知咁諗真係太天真啦😂⋯上網瀏覽餐廳官網，發現佢哋嘅Concept係想喺香港重現英式美食同倫敦東部嘅Brick Lane氛圍🇬🇧，喺中環、金鐘同尖沙咀有幾間比較Modern嘅分店。雖然唔知嗰啲分店質素如何，但我就未必會推薦你嚟沙田返店啦🙊⋯————————————————👅頂級美國牛肉漢堡（$98）👎🏻漢堡無咗薯條好lonely，有啲類似鱈魚乾嘅物體，漢堡包凍左成個好乾硬❄️，可能因為無咩醬啦⋯本住唔好浪費食物嘅精神，最終都係啃咗落肚，諗諗吓呢個價錢得個包都幾唔抵食👅美國頂級肉眼扒（$168）👉🏻 牛扒五成啱啱好，望落比較多血水啲🥩，單食唔使加汁都有啲牛肉味，薯菜正常👅松露薯條（$45）👉🏻 食Burger又點可以冇薯條呢，仲要見到隔籬枱個女人食得咁滋味。呢份薯條硬硬地，無咩薯蓉嘅軟滑🥔，似餅乾條多過薯條喎⋯ 松露只係存在於mix係沙律醬👅草莓沙冰（$38）👎🏻本身都有啲期待，望到呢隻咁淡嘅粉紅色都知中伏，士多啤梨味唔濃唔淡🍓，純粹飲緊好凍嘅沙冰———————————————— 🚩總結：唔係好食又唔太難食😂總之唔會再