新志興至尊燒鵝大王

營業中

休息中

今晚約咗親戚食飯，要求要食呢間，好有香港特色風味嘅大排檔。六點零鐘嚟到室內已經無位，要坐室外， 遇著呢啲落雨嘅天氣， 都幾驚食食下會落雨㗎，好彩差不多食完先開始落😅七個人叫咗個餸菜， 個個食完都捧住個肚走呀🤣例牌燒鵝，賣相又幾靚喎， 我平時好少食燒鵝， 今次都要試下， 味道真係唔錯，唔會太肥，個燒鵝醬好好味。咖哩牛腩， 咖哩味夠香，撈飯一流， 牛腩又煮得夠腍。蒜蓉白菜仔， 白菜仔夠爽甜。欖菜肉鬆四季豆， 平時食呢個菜會覺得好油膩， 呢個又唔會喎。 味道好香好惹味。大班兩味， 兩款都咁好食。一款係走過油，特別香口，另一款係蒸嘅，魚嘅肉質好滑。