影片
更多
2022-03-14
62 瀏覽
何蘭正菜式名太長，請參考下面😛價錢💲: $128/ $148/ $288/ $78/ $108/ $58/ $58好味程度😋: 5/5!服務🍴: 4.5/5!環境🗾: 4.5/5!性價比🥢: 3.7/5回頭率😚: 4.5/5!-何蘭正對於大家應該都唔陌生，一路唔追求出新餐廳的佛系我終於去左，同埋開post！原來真係好似D人咁講好好食，好有gimmick😮 不過佢地而家好似暫時停業，開咗之後一定要再去呀！🤗-✅牛油烤福州椰菜花/迷你干貝昆布忌廉汁/巴馬火腿/巴馬臣芝士。呢個餸完全將一舊平平無奇嘅椰菜花變得高級！creamy的忌廉汁入面隱約食到一絲絲嘅瑤柱，加埋大大片嘅Parma Ham，鹹香味十足😌 -✅✅24小時慢烤伊比利亞叉燒豬油撈飯/63度溫泉蛋/紅洋蔥漬。呢碟係個個嚟到都會叫！慢煮叉燒嘅肥瘦分布大約係七比三，食落好有油香，肉質好嫩😱叉燒嘅燶邊燒得好靚，係唔鍾意食叉燒嘅都話好食😻豬油撈飯超邪惡，撈埋溫泉蛋入口滑嘟嘟，食到個底仲有少少飯焦😜 飯上面仲有大豆芽、菠菜同埋粟米仔，神奇地個感覺又有啲似韓國的bimbimbap😂-✅✅✅南洋香料烤西班牙BB豬肋骨配野菌陳村粉/西班牙辣肉腸忌廉
菜式名太長，請參考下面😛
價錢💲: $128/ $148/ $288/ $78/ $108/ $58/ $58
好味程度😋: 5/5!
服務🍴: 4.5/5!
環境🗾: 4.5/5!
性價比🥢: 3.7/5
回頭率😚: 4.5/5!
-
何蘭正對於大家應該都唔陌生，一路唔追求出新餐廳的佛系我終於去左，同埋開post！原來真係好似D人咁講好好食，好有gimmick😮 不過佢地而家好似暫時停業，開咗之後一定要再去呀！🤗
-
✅牛油烤福州椰菜花/迷你干貝昆布忌廉汁/巴馬火腿/巴馬臣芝士。呢個餸完全將一舊平平無奇嘅椰菜花變得高級！creamy的忌廉汁入面隱約食到一絲絲嘅瑤柱，加埋大大片嘅Parma Ham，鹹香味十足😌
-
✅✅24小時慢烤伊比利亞叉燒豬油撈飯/63度溫泉蛋/紅洋蔥漬。呢碟係個個嚟到都會叫！慢煮叉燒嘅肥瘦分布大約係七比三，食落好有油香，肉質好嫩😱叉燒嘅燶邊燒得好靚，係唔鍾意食叉燒嘅都話好食😻豬油撈飯超邪惡，撈埋溫泉蛋入口滑嘟嘟，食到個底仲有少少飯焦😜 飯上面仲有大豆芽、菠菜同埋粟米仔，神奇地個感覺又有啲似韓國的bimbimbap😂
-
✅✅✅南洋香料烤西班牙BB豬肋骨配野菌陳村粉/西班牙辣肉腸忌廉汁。呢條BB豬肋骨用上大量香料醃，好惹味。仲要燒到啲肉juicy同嫩，骨肉分離，完全俾佢嘅肉質驚艷到‼️😱底下嘅陳村粉索晒D肉汁同西班牙辣肉腸忌廉汁，好好味🤩
-
✅花生奶凍豆腐花配濃厚芝麻糊/粒粒熱帶水果。呢個係期間限定嘅甜品，芝麻糊磨得好順滑，完全冇粒粒。飲落芝麻味好濃🤤配埋中間嘅花生奶凍豆腐花，好似將兩種中式糖水混合埋一個菜式咁☺️花生味唔係好重，係一隻落咗花生醬軟身的奶凍，變成豆腐花嘅形狀。比起中式糖水濃厚好多，但面頭嘅熱帶水果我就覺得有啲多餘🙈
-
✅✅西班牙油炸鬼配花生忌廉/焦黃煉奶加黑芝麻雪糕。西班牙油炸鬼粗糙嘅一條，熱辣辣炸起，包住滿滿嘅肉桂砂糖。油炸鬼外面好脆，入面嘅口感比較軟同淋🥰 點埋隔離有芝麻粒粒嘅芝麻雪糕同埋順滑嘅焦糖忌廉，冰火交融咁同埋增加甜味，好出色🥲
-
✅✅椰青冷泡烏龍茶。好特別的味道，清新嘅椰青水+冷泡烏龍茶，入口兩者嘅味道都飲到，冇諗過會夾😆
-
✅鹹梅西瓜沙冰。西瓜沙冰比較普通，用咗好甜嘅西瓜同埋啲沙冰唔係好易溶，加埋鹹鹹酸酸嘅味道，唔知點解覺得呢個幾適合啲老人家飲🤣
-
整體呢間非常非常出色，環境闊落，員工都好熱心😚 不過記得早啲嚟如果唔係好多嘢都會賣晒🤯 睇得出廚師好了解每種食材嘅特性，咁樣fusion+用咁多種材料去煮一道餸，食落都唔會覺得奇怪，配搭新鮮，我覺得我可以去好多好多次🤪 (價錢就有丁丁貴，不過食晏晝就抵啲)
張貼
