坤記腸粉

營業中

休息中

行街街經過，見到名滿天下，好多所謂嘅bloggers foodies吹捧嘅「坤記腸粉」，於是就買一啲小食嚟食個下口癮。所謂嘅全港最幼滑腸粉，我之前喺其他嘅分店食過，覺得不外如是，所以今次就試另一啲嘢食。魚蛋、燒賣、墨魚串首先嚟講，三樣唔同口味嘅食物放埋同一碟，已經係大失所望，胃口大失。咖哩魚蛋係夠入味，但得個辣字，完全冇咖哩香，而且魚蛋冇魚味，味道唔係我杯茶。魚肉燒賣，味道普普通通，同任何街邊小食店嘅味道都係一樣，冇特色。墨魚川，味道唔夠鮮，冇墨魚味，咬起上嚟仲好韌，同樣地唔係我杯茶。