八八八拉麵 (已結業)

女友早兩日已經話左要去呢度食, 於是今晚一放工就走過去, 怕無位. 去到, 我地係第四台客, 明顯唔怕無位.明知係面店, 我已經話唔好叫飯食, 於是一個叫左一個面, 仲加個餃子. 我既味憎魚湯叉燒面, 一味得個鹹字, 魚味點食都無, 食到一半已經覺得個咀興興地, 食完飲左三杯都仲覺得口渴...女友叫既係炸豬排面, 一樣係得個鹹字, 湯底除左鹹真係唔知有咩, 女友仲食到d面有粉味, 好似煮唔熟咁, 我就食豬排既時候覺得個皮有粉味. 最後個餃子算係最見得人, 皮薄而且軟, 味度都ok.我自問真係一個唔咀刁既人, 所以連我都覺得難食既就真係有d問題. 難食到要上黎寫既咁你話喇. 仲要咁既價錢, 元八好食過佢一百倍! 就算中環札榥呢間我唔會去既謀人寺都好過佢...