蛇膠參滋補專門店

「秋風起，食嘢味」呢句說話outdated 啦. 要補身等到秋風起就太遲啦，一年四季都要補！食蛇係香港特有文化傳統，亦都買少見少，食一條小一條，所以要珍惜仲有得食蛇嘅舖頭。呢間提供兩款一人餐都幾抵食，亦都相當飽肚。我叫咗個198 set, 分別有海參花旗參燉湯、細蛇羹、小米燉乾鮑、時菜同生炒糯米飯，非常豐富😋一坐低店員仲會即刻比杯養生茶你嘆吓先, 由頭滋補到尾. 燉湯清甜，花旗蔘味好出，淡淡回甘。蛇羹足料，記得落埋檸檬葉同薄脆一齊食～ 糯米飯粒粒煙靭, 花生自行落. 濃湯小米好似食緊中式Rissoto 咁好過癮🤣 經過開呢頭嘅朋友可以嚟試吓~