好叉好味 (多寶樓) (已結業)

之前成日聽同事講哩間叉燒好得意，又好多味道，附近都食到厭厭地，就試下幫襯下，Lunch time真係好誇張排曬長龍，等左20分鐘左右就到手，都唔算等好耐（真係好多人😅），第一次試焦蜜叉燒菜飯，但包裝已經好得意😍，一杯杯禁樣好方便，打卡一流👍👍坐低左一打開好surprise，隻蛋係燶邊流心蛋，D叉燒切到一粒粒，賣相好吸引😍，好鐘意佢一啖可以食到飯、肉同蛋，口感好豐富。D豉油係甜嘅，落落D飯度有濕潤感，唔似傳統叉燒飯，覺得年輕一代會好受落。份量對我嚟講好夠，食到第二層都飽飽地。我已經食左幾次，叉燒係香港人味道，無得輸👍😁