影片
更多
2018-02-14
176 瀏覽
是日放工係旺角區加班，要等到8點先集合齊班業主開會，一個人開餐打算食個快打船風餐。平時呢間晚飯時間門口排都幾長龍，所以同親朋友出旺角食都唔會排或食到佢。今日自己一丁友，心諗插個位應該都會行了吧。由是7點未到，門口有3、4個人排緊，我排第五，等左唔使5分鐘就入座，話說雖然我係一丁友，但侍應原來都比張2人枱我自己坐，無需搭枱(直至到我食完閃人都係一丁夠雄霸張2人枱)。望住牌單有選擇障礙症，有好多都有興趣試食，但一條友食無點太多驚食唔晒，最後揀左4樣，由是係排隊時已揀好，所以一坐底已好快有得開餐。個虎皮椒簡直無敵，先唔在講新鮮煎夠熱果下，面果層釀蝦仲帶D脆口，夠彈牙且香口，無點錯。個班蘭拉糕就無咩特別，純粹未試過所以好奇點下，班蘭味道唔出，同一般馬拉糕無啥分別，不過口感好彈同好綿。一口鮑魚酥好正，見到門口貼紙話係主打，非試不可而點，果然不負所望，一個人啪3粒確係有點少濟，可能係因為酥類食物容易飽肚，但堅不試不可。個炸兩VERY脆口，唔通係即時包同捲既，真心好味道，入面釀左蝦滑，層脆內彈牙，口感同味道都好正。一個人點4樣點心飽到反左艇，食物新鮮熱，味道佳，款式有別於一般中式點心，開始明白為何咁
由是7點未到，門口有3、4個人排緊，我排第五，等左唔使5分鐘就入座，話說雖然我係一丁友，但侍應原來都比張2人枱我自己坐，無需搭枱(直至到我食完閃人都係一丁夠雄霸張2人枱)。
望住牌單有選擇障礙症，有好多都有興趣試食，但一條友食無點太多驚食唔晒，最後揀左4樣，由是係排隊時已揀好，所以一坐底已好快有得開餐。
個虎皮椒簡直無敵，先唔在講新鮮煎夠熱果下，面果層釀蝦仲帶D脆口，夠彈牙且香口，無點錯。
個班蘭拉糕就無咩特別，純粹未試過所以好奇點下，班蘭味道唔出，同一般馬拉糕無啥分別，不過口感好彈同好綿。
一口鮑魚酥好正，見到門口貼紙話係主打，非試不可而點，果然不負所望，一個人啪3粒確係有點少濟，可能係因為酥類食物容易飽肚，但堅不試不可。
個炸兩VERY脆口，唔通係即時包同捲既，真心好味道，入面釀左蝦滑，層脆內彈牙，口感同味道都好正。
一個人點4樣點心飽到反左艇，食物新鮮熱，味道佳，款式有別於一般中式點心，開始明白為何咁多人排，果然值得排來一試，真心好味道!!!!!!不過座位就真係好迫同有點少焗，始終旺角好多街店食肆都係細鋪租貴，適合預左快來快去食一餐既食客隊完就起身撇S，如果想食飯同朋友邊食邊傾陣少計就不是選擇之列咧。
張貼
