秋千.在 (已結業)

同老公拍下拖仔咁！見到呢間咖啡店有位就飲杯咖啡咁！嘩嘩嘩！有d中獎感覺，我杯Mohca 賣相靚到呢！個拉花好專業好靚，飲到2/3杯 個拉花都未散，堅啊！跟住一個唔小心，叫左個煙三文魚牛油果牛角窩夫，咩泥嫁？原來係將個牛角包用窩夫機再烤焗，兩樣都係賣飛佛，竟然放埋一齊，好正啊！咁煙三文魚變成玫瑰花，牛肉果刀功一流，擺盤係好完美，令我食之前係咁打卡，仲買多份返屋企比亞仔食，最後食完仲可以打下韆鞦仔咁！幾浪漫啊！可惜6:00pm 堂食結束，要走先啦係咁先啦！下次再玩啦！拍拖談心打卡好去處啦！