影片
更多
2017-03-20
419 瀏覽
放工約了隻食肉獸去銅鑼灣食飯。Whatsapp 傳來店名地址：火山燒？咩來的。地址亦亳無印象。出咗地鐡站跟住 GOOGLE MAP 走，被帶錯方向；還是用番原始的方法，睇路牌指示——原來就在銅鑼灣廣場旁邊。一早講清楚咪唔駛嘥我時間囉。原來係日式串燒。上到去見牆上面畫咗浮世繪風格0既畫，幾靚。地方唔係好大，但座位之間好闊落，中間有兩張大枱，靠場有四五枱四人卡位。非常欣賞卡位之間椅背隔板極高，坐低完全遮住個人，夠晒私隱，講是非都唔怕﹙不過無隔音啦﹚。店員帶我地去卡位坐低，仲介紹咗一0的特式推介。食肉獸其實已經一邊點菜，劃咗一輪先醒起睇吓我想食咩 =.='睇番Menu, 野食選擇都算多。食肉獸點咗肉食，咁我就睇前菜同蔬菜類啦。因為唔知佢份量幾大，所以第一回合只係叫少少望吓先。結果，成餐飯幾乎叫晒餐牌上的所有食物，仲有唔少翻兜之選！前菜中的秋葵冷麪、蒟蒻凍同漁夫沙律都係翻兜之選！冷麫同蒟蒻個汁都係帶微酸，好開胃。至於個沙律，雖然只係普通菜，但估唔到咁新鮮。簡直喜出望外。仲有佢個漢堡扒，千祈唔好以為只係漢堡包入面塊肉。我覺得佢似比較淋身的貢丸。食落好香冬菇味，燒到外脆內軟，好好食。流心芝士年糕同
Whatsapp 傳來店名地址：火山燒？咩來的。地址亦亳無印象。出咗地鐡站跟住 GOOGLE MAP 走，被帶錯方向；還是用番原始的方法，睇路牌指示——原來就在銅鑼灣廣場旁邊。一早講清楚咪唔駛嘥我時間囉。
原來係日式串燒。上到去見牆上面畫咗浮世繪風格0既畫，幾靚。地方唔係好大，但座位之間好闊落，中間有兩張大枱，靠場有四五枱四人卡位。非常欣賞卡位之間椅背隔板極高，坐低完全遮住個人，夠晒私隱，講是非都唔怕﹙不過無隔音啦﹚。
店員帶我地去卡位坐低，仲介紹咗一0的特式推介。食肉獸其實已經一邊點菜，劃咗一輪先醒起睇吓我想食咩 =.='睇番Menu, 野食選擇都算多。食肉獸點咗肉食，咁我就睇前菜同蔬菜類啦。因為唔知佢份量幾大，所以第一回合只係叫少少望吓先。
結果，成餐飯幾乎叫晒餐牌上的所有食物，仲有唔少翻兜之選！
前菜中的秋葵冷麪、蒟蒻凍同漁夫沙律都係翻兜之選！冷麫同蒟蒻個汁都係帶微酸，好開胃。至於個沙律，雖然只係普通菜，但估唔到咁新鮮。簡直喜出望外。
仲有佢個漢堡扒，千祈唔好以為只係漢堡包入面塊肉。我覺得佢似比較淋身的貢丸。食落好香冬菇味，燒到外脆內軟，好好食。
流心芝士年糕同魚翅福袋都好好食。魚翅福袋其貌不揚，上枱見佢不過係油揚一件，估唔到燒完之後外面脆口，入面仲有一0的﹙素？﹚魚翅、紅蘿蔔絲。口感好豐富。
其他肉類海鮮都OK 啦，我不嬲唔多好肉。但見食肉獸食得好開心。
呢度的食物都無乜添加事先醃料，就咁食會比較淡。不過每枱都有三種醬料﹙蜜糖、燒汁同辣醬﹚，枱上面又有胡椒、玫瑰鹽同七味粉，咁就可以自己較味啦。成餐飯食咗三個鐘，坐得舒舒服服。好耐無0係銅鑼灣試過喇！而且對住個火爐仔係咁燒，走0既時候都無話一陣味。真係唔錯。
只係有一樣野比較煩，就係佢地每枱都只有一張ORDER 紙，加單就要叫店員再俾紙。若果佢地可以放多幾張ORDER 紙0係枱就好喇。
張貼
