Mamaday (已結業)

下晝路過銅鑼灣，抬頭望見一座舊式商業大廈嘅閣樓，竟然係一間極有格調嘅西餐廳仔。落地大玻璃、牆身貼滿趣怪裝飾、每張枱一隻手掌咁大嘅陶瓷狗仔，非常好玩，又十分適合影相打卡。偶意間記錄低美好嘅回憶，實在非常回味。環境，一流！Lunch Time食得唔多，2個人叫左2個Lunch Set，另加一個甜品，出乎意料地好食。1. 「有得食手打漢堡仲想點？」（個漢堡真係咁嘅名，笑）：手打牛肉有口感，非常有牛肉味，麵包厚身又有焗過，配合埋牛肉嘅肉汁一齊食。非常正。2. 「有蟹GO又有蟹肉的蟹蟹蟹意大利扁麵」（真係咁嘅名，哈哈）：全碟意粉都有非常多蟹，大量蟹肉，大量蟹膏，全枱瀰漫住濃烈嘅蟹膏香味，絕對有五星級酒店西餐廳幾百蚊一份嘅Crab Cake嘅感覺。強烈推薦。3. 「比利時窩FULL」：熱辣辣窩夫，配冰藍色海鹽雪糕球，再配大大舊焦糖脆脆，同錦密香甜嘅焦糖，口感豐富又有層次，顏色好睇又好食。為成個Lunch劃上完美句號。總結，十級推介，環境舒服好玩，食物高質，擺盤又靚。就算浪漫食、一班朋友食、同事Lunch Time食都非常合適，誠意推薦。