影片
更多
2007-12-19
15 瀏覽
朋友18號生日,仲要係12月聖誕月,所以好多酒店自助餐都爆滿到31號,呢間都幾乎爆滿,只有門口位,(因為裡面既位已經俾一間公司週年慶典包左大半個場),但係都無計...唯有試下呢間啦!我估有番咁上下價錢(每位348加一),個名堂仲好巴閉架,叫做什麼國際海鮮美食大滙演,應該唔會好差.唉...不過真係出左事,食出一肚子氣!今時今日咁既服務態度一定要攞去打把,因為d侍應都好懶惰,見到成台食完既碟都唔執,簡直不知所謂.開始時都好好地,生蠔,花蟹,長腳蟹,龍蝦仔,翡翠螺都好甜,好鮮味,魚生就得3款魚(三文魚,吞拿魚,立魚)加八爪魚,都算啦!但係食完頭個Round之後,就諗住番轉頭食多次啦,點知只係得幾番既係幾隻生蠔,幾條長腳蟹(連蟹鉗都無喇),半隻花蟹,十數隻生蠔..等,竟然無人Refill番D食物,最離譜既係連三文魚都想慳,一片都無晒,又無人理,D熱葷都好小野食,又唔好食,唔知仲以為自己叫左"到會",即係又差又難食.咁樣都叫做"海鮮美食大滙演",咁我不如去睇詹瑞文個個"萬千師奶賀台慶"好過,都係炒埋一碟之嘛,無分別.再講到服務態度都係差強人意,我朋友想叫個侍應攞杯茶,點知個侍應話:"如果要我攞就
開始時都好好地,生蠔,花蟹,長腳蟹,龍蝦仔,翡翠螺都好甜,好鮮味,魚生就得3款魚(三文魚,吞拿魚,立魚)加八爪魚,都算啦!但係食完頭個Round之後,就諗住番轉頭食多次啦,點知只係得幾番既係幾隻生蠔,幾條長腳蟹(連蟹鉗都無喇),半隻花蟹,十數隻生蠔..等,竟然無人Refill番D食物,最離譜既係連三文魚都想慳,一片都無晒,又無人理,D熱葷都好小野食,又唔好食,唔知仲以為自己叫左"到會",即係又差又難食.咁樣都叫做"海鮮美食大滙演",咁我不如去睇詹瑞文個個"萬千師奶賀台慶"好過,都係炒埋一碟之嘛,無分別.
再講到服務態度都係差強人意,我朋友想叫個侍應攞杯茶,點知個侍應話:"如果要我攞就要收錢,你地自己出去攞啦",真係吹漲.
不過講到最最最..離譜都係到左最重要既環節..食甜品,真係救命,原來唔同牌子雪糕都有分別俾唔同既人食架,因為牛奶公司(放在室內)係俾包場個間公司食既,我地可以食Hagen-Dazs(放在室外),但係開頭我地唔知有得咁樣分架,後來知道就出去室外裝Hagen-Dazs啦,點知有個面臭臭好無禮貌既男侍應走埋黎問我地:你地係坐室內定室外架,我地好自然咁答佢室內,(坐近門口仲唔係室內?)跟住佢話呢度呢d唔係for你地食架,你地只可以食牛奶公司架炸,仲趕我地走,嘩..當堂"R"晒頭,滿腦子都係??跟住我地好奇怪因乜解究唔食得,坐出面既係上等人?我地唔忿氣再問門口個靚女帶位,佢解釋只係聯歡個間公司只可以食牛奶公司雪糕,其餘既客人都可以食Hagen-Dazs,咁我地又出去再裝過雪糕啦,點知又有第2個相貌平庸既女侍應問我地:你地坐出面定裡面,裡面既公司唔可以食既,我地當堂火都黎埋,同佢講:都話我地唔係個間公司既人,係門口個靚女同我地講無問題,咁點解唔食得?佢聽完心有不甘咁樣走開左,當我地裝緊雪糕之際,又有第3名,貌似經理既物體行過黎又問:坐裡面既公司係唔食得既,(當其時真係好想兜個雪糕匙飛埋去,心諗呢間咩野酒店,咩野侍應,咩野經理..真係嬲).
我地又再三重覆好嬲咁講個番說話...坐裡面,但唔係個間公司....,佢即刻Say Sorry,但我就一路番埋位,一路鬧:我會俾十粒??星佢.之後,個經理可能知衰喇,埋黎送左2盒玩具俾我朋友2個仔,猛講唔好意思.....
唉.....今次真係貼錢買難受,你再請我打死都唔會再去,我寧願去d商場裡面地庫個種美食廣場都好過佢!
係度奉勸大家一句,以後想去呢間最好..............停一停,諗一諗!!!
張貼