丼丼屋 (已結業)

去過圓方本店食覺得好正，經過屯門店又想再食豬排飯就入左去，而且普遍睇食評話分店仲多野揀。後尾睇到特上盛大蝦海鮮don好似唔錯，諗住試下喇，點知中招，白飯冇咁靚同好食，刺身5樣有3樣都唔新鮮同腥，兩條蝦有勁大條黑腸拉左出黎，鼓油仲好鹹，係個芥辣用返同本店一樣有粒粒果隻幾好食，我唔期望做到好似本店啲料咁好，但真係唔好食。另外叫左個好多人讚好既芝士蛋卷，但除左大份啲，味道真係冇乜特別，比較滿意就係3.6牛乳特飲，不過好少紅豆。但係成二百蚊食啲咁既野，我不如去返本店，或者落佢樓下supermarket買個魚生飯都冇咁貴同好食啲。