蘇眉 (已結業)

之前有嚟過食 lunch，都 okay。 今次一嚟食 dinner 就中伏。 環境無乜特別，有 D高級茶餐廳格局，餐具都係平價貨。 服務都唔錯，問個 waiter d 菜式都講得出係點煮，不過可能今晚有老闆娘響度，特別稹極。呢度全部散叫，無 set 嗌，頭盤百幾蚊，Main Dish 兩舊幾，加 side 又要加幾十，飲野又幾十，加加埋埋三個 courses 嘅 set 都每人要 五舊水，響呢個格局真係有 D 唔合理，除非真係好好食啦。 我地點咗兩個 Main，一個 Slow Cook 牛腹肉，一個羊架，講真兩個 main dishes 連基本 presentation 都無，又無乜配菜，雖然肉質 okay，但係兩碟都無肉味，超級淡，好似無調味咁，真係談唔上有水準。 個頭盤虎蝦三文魚蓉味道唔錯，但係就真係頭盤 size，少到無倫，試問響呢個一D 都唔 decent  嘅地方以百幾蚊食呢個頭盤，真係值咩？ 建議廚師 (老闆) 出去外面相對高級嘅餐廳吸收下人地響環境，燈光，座位 (我地仲要坐圓椅)，餐具，食物 presentation同價錢嘅 setup 先運作，單靠廚師有一點名聲係唔持久