Olive ERA (已結業)

行過黃大仙諗住open rice下搵野食，見到li間好評咁多就諗住試下! 點知嘢食全部一般，8點半入座想order risotto，但係全部無曬話得返海鮮飯，仲推薦話海鮮飯好多人order，試完感想係真係好難食，唔新鮮之餘又難食... 餐廳入面又有d蚊係咁飛，檯凳又無抹乾淨，唔係好舒服。不過不失得個鹹豬手同龍蝦湯，其它都真係幾一般。見到咁多好評所以黎試下，但食完覺得完全唔値得有咁多好評，真係唔知今日失手定係買假評。