茶木‧台式休閒餐廳 (MegaBox) (已結業)

太耐無去茶木食，今次有點失望，我地星期六4點幾入去，入面大概坐滿7成，坐低店員遞上QR code同餐牌，餐牌是正價並附上一張「呷飽飽」特色餐牌，掃Code點餐，點了個飯同飲品 submit前見飲品無優惠，但望到張「呷飽飽」寫住下午茶飲品+$10，於是呼叫店員了解，小哥哥行到埋嚟我指住飲品$10問點樣落飲品才$10，佢好快就答我「星期六日無」其實佢把口未講完全句，對腳就開始走開，好似好趕時間咁⋯ 其實周未沒優惠為何餐牌唔注明？ 店員可否企定定講哂全句（都係五隻字）先行去第二度呢？ 基本上都係QR code 落單、個場又唔係坐爆、店面有4-6個 都係stand by service mode, 有無咁趕時間呢？ 講返食物質素，廚房出既都很好吃，我點了鹽酥雞排肉燥飯$78，雞排香脆嫩滑 另外，好喜歡食佢地自家製既香腸$48，有啲似煎香既臘腸。飲品平均$41，加埋一$45，無優惠確實唔抵飲。我情願食完出面買杯手搖珠奶～2個飯1碟小食+1服務費$224（個服務費我比得唔太cur)無飲品優惠、服務遜色、女士食用份量味道有水準、環境舒適值唔值就見仁見智，我就覺得麻麻。