目利きの銀次 (已結業)

首先，呢度既環境係幾好，幾有氣氛，但上餐速度同服務就令我好不滿。第一，我嗌左個辣呑拿魚卷，先唔講點解日式料理會用韓式辣醬上菜，個問題係碟嘢半個鐘有多先黎到。問左個經理一次，佢同我講，就黎到。哇，你個就黎到都幾"快"嫁喎。其實如果碟嘢係製作需時，係咪應該係客人落單果陣就提醒番呢？而唔係一催再催，等到頸都長都未黎到。第二，我嗌左個三文魚小卷，先唔講6件小卷同爭x個樣同味道一樣，但收你42蚊。呢碟嘢又係上餐速度慢到頂唔順，據我所知，整呢幾件嘢點都唔洗半個鐘。有乜可能耐成咁？其實都係果句，製作需時可以同客人講聲，免得令人咁炆。第三，我叫左個侍應幫水壼加水，點知就一去冇回頭，攞左個水壺唔俾番人。姐係我嗌左你幫我加水就姐係我要水啦，你又要唔俾番人，咁我點飲？最後，我想講，唔係話我要求高，而係我覺得去一間餐廳食嘢，唔係淨係食物質素先重要，侍應服務態度都好重要，食得開唔開心好睇間餐廳點對待客人。總之，呢度啲食物再好味都冇用，服務態度唔好，我都係唔會再黎。