紅雞

營業中

休息中

同fd 2個人排隊近半個鐘先等到位，但食物質素對唔住呢個waiting time🫠食物方面我叫左個原味炸雞併秘製蒜香味炸雞 & 魷魚薯條。上網唔少評論都對紅雞既炸雞讚不絕口，實際食過有些少失望。唔知係咪因為人流太多，導致佢既炸雞時間掌控出左差錯，我食到既炸雞絕對唔算嫩滑，小小「鞋」，肉汁亦唔算多，蒜香味唔算好濃，無咩記憶點，食完第2日基本上會唔記得咩味😂 魷魚方面，魷魚本身煮得幾好食，彈口爽脆，但個汁唔太對我胃口，太酸😫 飲品方面叫左個蜜桃米酒🍑，絕對有驚喜！！ 勁好飲！呢款米酒既酒精味唔重，再配上蜜桃既香甜味，勁易入口。份量夠3個人，性價比都ok高 😆😆