岩盤牛扒ミディアムレア ステーキ (Greenery Plaza ) (已結業)

自從網上有廣告之後呢間餐廳就變左長龍店，趁閒日又唔洗返工就諗住去試下呢間餐廳啦，傍晚六點幾去到已經有人龍出現。呢種磅重食牛扒既餐廳係日本都有，店鋪門口亦都刻意加上日文告示營造日本風格。最低消費要 order 300g 或以上，計返價錢都唔算貴既，我加多＄18轉 set 可以係飯，沙律，麫豉湯同汽水四揀三，唔建議揀沙律，好似一堆野草。落完 order 就可以入去鋪頭坐低等食。等一陣已經有得食，煮既速度都算快，但佢啲牛既質素認真麻麻地，完全無牛味。如果要排隊但係食呢啲質素既牛扒，真係仲有好多選擇，唔會有下次。