燈籠滷味 (登龍街) (已結業)

今晚同朋友黎到呢間長隊店食晚餐，排左成個鐘先有位。我地分別叫左三個唔同既配搭，再加一個綜合芋圓加仙草。飲品分別叫左黑糖珍珠奶綠、紅茶豆漿、冷泡桂花烏龍。王子麵配百頁豆腐、高麗菜、彈牙貢丸。王子麵好鹹又好乾，百頁豆腐口感似啫喱，高麗菜正常，貢丸冇特別彈牙。冬粉配大腸、白蘿蔔。冬粉都偏鹹，因為汁鹹。白蘿蔔有幾舊係苦既，唔入味。大腸正常。米線配豬腱肉、玉米荀、甜不辣。米線最好食，豬腱肉鞋既，玉米荀普通，甜不辣似年糕版魚餅。黑糖珍珠奶綠叫左半糖都好甜，特別係珍珠好甜又唔煙韌。紅茶豆漿正常，豆漿味比較出。冷泡桂花烏龍桂花味比較出，茶味比較淡。綜合芋圓加仙草係我食過最難食既，又硬又過甜，味道好怪，唔推薦。呢間食物好普通，份量又少，完全唔值得排隊去食，唔會再食。