GYU TOWN 牛舌專門店

營業中

休息中

夜晚食飯時間好多人所以今日排左一個鐘先入到去，排咁耐期待值真係高。但食完好失望因為店員話只有鐵板餐可以揀所以全部人都係鐵板餐，成間餐廳好重油煙味。成間鋪好窄，坐埋邊好危險，因為店員係頭頂上面拎果鐵板餐俾你。由落單到上菜等左差唔多20分鐘，原來多人排隊係因為佢上菜慢。牛舌專門店的牛舌真係好唔掂，二重牛舌有片好同原條兩款牛舌。一片片的牛舌重臊味，點汁食都一般般。另外原條牛舌芯質數好D，比較香口。不過質量唔穩定，隔離果枱的牛舌芯有筋難嚼。$98的二重牛舌係果地段都堅持跟餐要加$28，真心覺得搶錢，即使唔排隊都唔會再去。