平昌韓國BBQ (已結業)

平昌韓國BBQ今次黎到佐敦食野，呢排係咁俾社交網站洗板，好多人話芝士排骨好好食，咁我一於同朋友去試下啦！誰不知，食物普通唔抵食，仲要零服務！芝士排骨（$188）上枱後，等芝士溶到咁上下，就有員工幫手捲排骨，但某位女員工唔多熟手，一開始亂咁將芝士夾埋一舊再放係舊排骨上面就算，有其他員工見到就過黎幫手，好彩最後都捲返靚。講返排骨，個樣係幾惹味，不過太辣，辣味完全蓋過芝士味，另外，排骨既肉質亦唔嫩滑，但就夠稔同易離骨。$188 （未加一）得三舊排骨，其實貴得離譜，完全唔值！食完有後悔既感覺！之後我地仲叫左全豬拼盤，味道普通，豪無特別，但價錢昂貴，好唔抵食我最想講既係服務，全晚可以話係完全冇服務可言，啲店員十問九唔應，又黎錯order，一開始啲食物黎哂，但冇烤pan，我地個個坐哂係度眼望望，想食都冇得食，等左幾個字先黎個pan.....失望！