臺樓 (已結業)

食厭左附近餐廳的外賣，之前只係試過臺樓的堂食小菜，今次試下它的外賣台式肉燥雞翼飯（$38）同菠蘿生炒骨（$35）同薑蔥爆牛仔肉（$33），小菜配飯同飲品要另加$9，凍飲再加$2，如果唔係小菜款，飲料要另外加$8。先講下個肉燥的味道，初時食都幾香，但越食越咸，飯同肉燥唔配合，飯太少，食到最後餘下好多肉燥。配飯的2隻滷水雞翼同半隻滷蛋又小又無味。生炒骨其實應該叫咕嚕肉排，味道ok，可能外賣關係，食的時候已經淋左，分量小得可憐，得幾塊，唔係好抵食。薑蔥爆牛肉，偏油，薑多過牛肉，蔥的分量偏小，成碟好似食薑咁。最抵死外賣逐個盒計，連紙杯都收錢。外賣要等15分鐘以上。