影片
更多
2023-03-25
1747 瀏覽
22-03-2023我地一行8人去屯門三聖村「南記海鮮飯店」朋友早啲去附近街市買定海鮮，拎黎南記安排點煮，到5點半左右等齊人，就叫侍應可以安排上菜，等到6點15分，都未有菜上，就問其中一位四眼叔叔，點解仲未上，我地一共追左2次，2次四眼叔叔都話：「肚餓啊？點解唔叫隻燒鵝食啊？」我地懷疑因為我地冇叫到南記入邊既餸同埋燒鵝，就專登遲遲唔上菜，因為我地5點半叫上菜，佢地鋪頭既客人連一半都冇，係都要拖到最後先幫我地上菜，去到7點，我朋友忍唔住再問四眼叔叔，我地等左成個幾鐘，湯都未見到有得飲喎，跟著15分鐘之後啲海鮮就好快咁上哂！第一道菜-「脆皮芝士焗龍蝦」不愧係招牌菜，真係好好食！個芝士醬唔會好濃味而搶左龍蝦既鮮味龍蝦焗得岩岩好，唔會過火，真心好食第2道菜-「椒鹽瀨尿蝦」我地懷疑南記用我地既新鮮瀨尿蝦，換左去比人地，因為我地買海鮮個度係識人，逐隻新鮮識跳既簡黎買，但黎到8隻入邊有2隻係梅架啲肉，同佢地職員反映，就話係我地啲蝦黎，我地拎黎唔關佢地事！第3道菜-「西芹炒花尾躉腩」依道菜煮得好好，肉冇過火，但味道偏淡第4道菜-「炆花尾躉骨腩」依個炆得好好食！好夠味但唔會過咸，不過一定要親熱食，凍左食
我地一行8人去屯門三聖村「南記海鮮飯店」
朋友早啲去附近街市買定海鮮，拎黎南記安排點煮，到5點半左右等齊人，就叫侍應可以安排上菜，等到6點15分，都未有菜上，就問其中一位四眼叔叔，點解仲未上，我地一共追左2次，2次四眼叔叔都話：「肚餓啊？點解唔叫隻燒鵝食啊？」我地懷疑因為我地冇叫到南記入邊既餸同埋燒鵝，就專登遲遲唔上菜，因為我地5點半叫上菜，佢地鋪頭既客人連一半都冇，係都要拖到最後先幫我地上菜，去到7點，我朋友忍唔住再問四眼叔叔，我地等左成個幾鐘，湯都未見到有得飲喎，跟著15分鐘之後啲海鮮就好快咁上哂！
第一道菜-「脆皮芝士焗龍蝦」
不愧係招牌菜，真係好好食！
個芝士醬唔會好濃味而搶左龍蝦既鮮味
龍蝦焗得岩岩好，唔會過火，真心好食
脆皮芝士焗龍蝦
65 瀏覽
1 讚好
0 留言
第2道菜-「椒鹽瀨尿蝦」
我地懷疑南記用我地既新鮮瀨尿蝦，換左去比人地，因為我地買海鮮個度係識人，逐隻新鮮識跳既簡黎買，
但黎到8隻入邊有2隻係梅架啲肉，同佢地職員反映，就話係我地啲蝦黎，我地拎黎唔關佢地事！
椒鹽瀨尿蝦
47 瀏覽
0 讚好
0 留言
第3道菜-「西芹炒花尾躉腩」
依道菜煮得好好，肉冇過火，但味道偏淡
西芹炒花尾躉
43 瀏覽
0 讚好
0 留言
第4道菜-「炆花尾躉骨腩」
依個炆得好好食！好夠味但唔會過咸，不過一定要親熱食，凍左食就覺得好油🤣
炆花尾躉骨
37 瀏覽
0 讚好
0 留言
第5道菜-「鹽焗花螺」
我地又懷疑佢地換左我地既花螺🫠
因為我地簡既時候係一大袋，仲要粒粒都好平均好大隻，但黎到既時候變左做一兜仔用錫紙裝住，仲要啲螺放得好有技巧，大粒係面，底下個啲全部細細粒，咁樣幾好食都假啦，同侍應講又係一句：「你地帶黎既海鮮，我地唔清楚」
鹽焗花螺
40 瀏覽
0 讚好
0 留言
第6道菜-「粉絲蒸消失的元貝」
我地買海鮮個陣，人地寫係「特大蘇格蘭元貝」點都冇諗過送到上黎，睇唔到粒元貝係邊🤣我個人認為佢處理海鮮既時候，可以問下客人啲裙邊要唔要，我真係第一次見到會掉左我啲裙邊既鋪頭，
仲要蒸到過哂火，有2個朋友牙口唔好，食唔到🫠後尾問番做凍肉批發既朋友，佢懷疑間鋪會唔會用急凍帶子換左我地新鮮既，因為急凍係有連殼帶子買，正正就係冇裙邊既
粉絲蒸消失元貝
42 瀏覽
1 讚好
0 留言
第7道菜-「鹽焗重皮蟹」
我第一次食重皮蟹，賣海鮮個姨姨叫我地一定要食埋個皮，真係冇得彈！好好食～
鹽焗重皮蟹
40 瀏覽
0 讚好
0 留言
鹽焗重皮蟹
34 瀏覽
0 讚好
0 留言
第8道菜-「滾豆腐蜆肉魚骨湯」
啲蜆係買海鮮既姨姨送既，但係佢送得太多🤣成5斤，個湯埋單要3舊水🤣
蜆太多，變相個湯好咸，如果淡番小小其實好好味😋
豆腐蜆肉魚骨湯
30 瀏覽
0 讚好
0 留言
總結：
「南記海鮮飯店」其實煮出黎既野係好食，不過加工費偏貴，
不過係咪真係會發生我地懷疑既情況，我諗就見人見智喇，因為我地唔係搭朋友訂檯，我朋友就話以前托人訂檯，係冇發生過我地懷疑既情況，更加唔會等成個幾鐘先上菜，同逼人食燒鵝🤣🤣
至於服務-啲服務員全部都愛理不理咁，全部都係「做就36唔做36」既態度，其實都幾無奈
張貼
