京滬佳餚 (The LOHAS康城) (已結業)

最近康城嘅商場終於開幕，入面仲有好多嘅新餐廳，今次我就同屋企人試左呢間京滬佳餚，味道同服務都非常唔錯。一入到去店員就安排左我地坐卡位，非常舒適。我地叫左壺菊花茶，清清地咁好岩夏天飲。呢度嘅招牌菜係片皮鴨，我地就叫左半隻黎試下。同一般嘅片皮鴨唔同，呢度嘅醬料比較多，有蒜泥同沙糖，仲多左款蘿蔔絲，非常有新鮮感。片皮鴨烤得非常香脆，都幾值得推介。除左烤鴨外，我地仲叫左個雲吞鴨肉湯試試，飲落非常清甜冇味精。滷水鴨舌亦都炆得非常入味。響油鱔糊算係我非常鍾意嘅一道菜，黃鱔同京蔥炒得非常香。乳鴿新鮮炸起，食落香脆好食。