Mini Club (已結業)

昨天我同同學去了銅鑼灣的一間餐廳，叫做MINI CLUB，呢間我是聽人地介紹的，說很不錯，所以我就專登搵咗得閒的時間，約埋同學就出發喇，我地系去到都已經晚黑喇，客人不會很多，好闊落嘅一間店。海鮮拼盤很大一盤，入邊嘅海鮮種類都非常之豐富，蝦、蟹、蠔、蛤等，冰鎮的，蝦我是不喜歡吃，所以我就沒有嘗試，其他的海鮮，諸如蟹、螺都覺得好新鮮。還有一個海之幸福摩天輪，造型好新奇趣怪咯，真係一個MINI 嘅摩天輪造型，裡面的事物好多，而且味道都好岩我們的口味。白酒忌廉汁煮大蜆，一碗不大，酒味不會很濃鬱，反而更加襯托出大蜆的鮮味，忌廉汁都不會很膩，搭配得剛剛好。飲料方面，就係侍應推薦俾我地嘅，我們有點雞尾酒，味道醇正，雞尾酒味好烈的感覺，但係事實上不會怕飲多。同學也是在侍應的推薦之下，就選擇了手工啤酒，獅子山下，好藝術的feel，手工啤酒的味道同市面的一般啤酒還是有著本質上的區別的，小麥味更醇厚，稍微是略帶苦澀味道，但是味道在喝完之後反而在舌頭上殘留更久，所以我係更加鐘意呢種手工啤酒。