八王子居酒屋 (已結業)

見到好評如潮, 一直都想試八王子, 於是同太座去食, 入到去見唔到有日本人都知唔慌正宗, 見到d人都係食烏冬或炒飯咁...但一場來到又即管試下, 結果好失望, 食物意見如下...Asahi 生啤 - 夠凍順喉, 但$50 就略嫌貴左d, 同區如京笹, hokahoka 都唔使$50.芝士酒盜 - 魚腸唔夠幼細, 但都咸鮮, 芝士非常慷慨, 味道幾好.汁燒大葱雞肉串 - 冇乜味, 完全食唔到汁燒, 但都夠熱.明太子蛋卷 - 呢個真係唔掂, 日式蛋卷既質感係好軟棉棉, 應有d似厚蛋治既蛋咁(食過都應該知我講乜) , 但佢係煎蛋皮再卷埋d明太子, 質感硬, 又甩甩散散咁, 味道得糖(或味淋)既甜, 唔似坊間加左木魚花/鰹魚既湯. 咁樣都要 $78! 坦白講, 和民做得好過佢.池魚刺身 - 一般, 唔係好新鮮.炸薯餅 - 夠脆, 蕃薯味甜,幾好食. 軟殼蟹卷 - 唔似用日本米, d飯散既, 最差係軟殼蟹凍既, 如果係回轉都可以理解, 但咁既價錢, 我諗其它料理店都會即炸.埋單共$518, 見到玉子燒已經取消開酒既衝動, 其實裝修唔覺得好有玩味, 枱連醬油, 牙簽, 七味粉呢d配套都冇, 如果