明記甜品 (吳松街) (已結業)

好多年前食過呢度嘅黑白（即係芝麻糊溝豆腐花）覺得好食，所以嚟親佐敦都特登食兩碗，應該大約有兩三年冇嚟過呢度食，咁啱今日要去佐敦買嘢，就走過來食返碗凍黑白，通常都係坐喺街，啲姨姨會幫我哋開張枱，好友廟街風味。一碗凍黑白$26，算唔算貴？肯定唔算平。等咗我2分鐘都冇，我碗糖水就放在我面前，當我食第一啖嘅時候，發覺豆腐花嘅部份就冇乜點變，但係芝麻糊就變咗，以前呢度嘅芝麻糊可能佢磨得唔係咁好，就會約食到一粒半粒嘅形狀嘅芝麻，今次一食落口就肯定係粉，但係唔夠香，而且仲要好甜添，肯定比我以前甜，所以有少少失望。