陪著你走甜品 (已結業)

呢間陪著你走甜品，已經想食一段時間，襯住同朋友喺灣仔打完邊爐，專登懶浪漫坐叮叮過黎食。小店鋪位唔大，枱櫈間冇乜空間，不過都有唔少人係叫外賣，所以我地堂食都即時有位。甜品款式唔多，主要係芋圓、湯丸、仙草、焦糖燉蛋等，晚上8點後設低消每位$25；定價唔算親民，但都未至於離地仙草八寶 $38為此甜品而來，芋圓熱潮稍退，冇之前咁瘋狂，但我仲係好鐘意食，哈哈。仙草底加芋圓、地瓜圓、薏米、蓮子、紅豆、西米。 料唔算多，性價比一般；好多呢類型嘅甜品都係賣緊廿零三十蚊，38蚊認真有啲貴。仙草幾滑溜，冇涼粉死實實嘅口感，但一啲糖水都冇，其實比較淡紅豆、薏米、西米呢啲無功無過；蓮子唔夠腍…芋圓、地瓜圓色澤淡薄，唔係好鮮豔嗰種，size適中，各6、7粒。比較失望，話哂都係主打，食落唔夠煙韌，好在都唔會太硬。可惜芋圓、地瓜圓兩者都冇味；瞇埋眼係完全分唔到…成個甜品一個字：很清淡，冇乜味；鐘意健康甜品嘅人或者會喜歡？阿華田焦糖燉蛋 $33除左阿華田，仲有原味、好立克、抹茶、oero等口味，價錢唔平，可能係招牌，話哂有咁多隻味。焦糖層薄脆，唔會過甜，燉蛋入口有好濃阿華田味燉蛋就較流質，唔夠挺身，好似未夠時間咁，可