墾丁茶房 (已結業)

星期日黎到megabox，入左墾丁茶房食晚餐先睇戲。叫了2人套餐，$228，不包飲品。有皮蛋豆腐、鹵水拼盤、口水雞、生菜、蜂蜜豬排及2碗滷肉飯。自行加了杯珍珠奶茶。食物不錯，選擇多。啫啫生菜炒得好惹味，讚。滷肉飯不會太鹹，肉的比例同白飯剛好，讚。珍珠奶茶糖漿自己加，可以控制甜度，不錯。蜂蜜豬排稍微失望，甜味入不到肉的裡面，只流於表層，而且不夠熱，否則更好食。不過餐廳經營手法有待改善。員工數量不夠，其實員工都好勤快同有禮貌，但客人太多，跟本做唔切。食左一個鐘埋完單，先上皮蛋豆腐，頭盤其實應該第一就上。由於趕住睇戲，就算數啦。環境其實都不錯，可以一邊睇住溜冰場聽歌，一邊食飯。