東湖海鮮酒家 (已結業)

差不多兩點鐘去到東湖, 決定等位食下午茶, 等左半個鐘, 兩點十五分入到座...好肚餓, 先拎左兩碟煎炸食物: 海鮮卷(中點) 同 煎韮菜肉餅(小點), 雖然唔熱, 但係都幾脆口, 我覺得都幾好食... 海鮮卷有好多蝦, 不過原來無沙律醬, 好失望... 韮菜肉餅其實除左脆口之外, 無乜特別...個大牌檔阿姐話好忙, 唔得閒煎腸粉, 叫我地自己響點心紙叫, 不過佢講野ge語氣好差... 仲有我想拎o急汁, 被佢點到我頭都暈, 一時指我去右邊, 一時指我去左邊, 可能佢地真係太忙啦...我地再響點心紙點左: 鮮竹牛肉(小點), 煎腸粉(中點), 糯米卷(中點)...開開心心等食之際, 先至發現原來三點鐘之後大牌檔D煎炸食物有特價 (不過超多人排隊, 未必叫到想食ge食物) 算啦, 已經點夠食物, 下次如果再黎就要醒水...煎腸粉一般貨色, 麻醬我的至愛, 甜醬顏色有D奇怪...牛肉OK...糯米卷令我好失望, 除左糯米同包之外, 只有花生, 一粒蠟腸仔都無ge...大部分食物都係小點同中點, OK喎... 不過茶錢要$8位, 會唔會貴左少少呀? 佢D茶好好飲咩, 唔值喎...