新麻蒲 BBQ (已結業)

六個人晚上食90 分鐘，得一個爐，個爐一來唔夠火力，同埋火力則左去另一邊，睇啲蛋漿一邊煮熟晒，另一邊重係水狀就知。成晚都已經不停燒，無比個爐有任何一寸多餘空間，但就算同行嘅女仔朋友都食唔飽就比人吹走，燒肉質素係幾好，但個爐係失敗，野食幾好都無用。肉類方面醃得幾好食，唔似其他韓燒咁落勁多味去醃，最好食嘅係護心肉同埋豬皮，蝦都有鮮味同清左蝦腸，都好有心機。前菜海苔同泡菜都唔差，都係好食嘅，同埋海苔前菜都比較小見。總括經驗係如果一行6人係唔可以去食呢間韓燒，因為我見有檯7個人佢地有兩個爐。