興記

營業中

休息中

雖然訂了位，但都要麻煩兩位猛男等了超過半小時。人齊後，有的去買海鮮，有的負責留守點菜，由落單到上菜，不雖15分鐘，真是神速。看見人家的燒鵝很肥美，我們也嚷著要一隻，可能「隔離飯香」，我們的燒鵝欠缺燒出來的深紅光澤，雖然是啖啖肉，椒鹽鮮魷、西檸雞、咕嚕肉及粟米石班塊這四款炸物唔夠脆身，同樣是炸漿過多的通病，吃不到大排檔獨有的鑊氣。小菜中以最簡單的叉燒炒蛋做得最好，蛋炒得唔老又夠滑，蛋同叉燒分量又適中。還有兩碟普通的炒清菜，清炒西藺花及椒絲腐乳通菜。最後出場是我們所買的海鮮，豉油炒蟶子及椒鹽瀨尿蝦，兩款海鮮的質素唔錯，不過廚房的後期加工水準麻麻，欠缺火喉鑊氣。雖然小菜一般，大家又講又笑，慶祝食友生日，又與飯友聚舊，這才是最要的。