影片
更多
2023-06-20
1334 瀏覽
係黃金海岸附近睇下有咩餐廳，一search之下呢間都真係幾吸引我🤔 因為佢並唔係係黃金海岸商場/酒店嗰邊，係黃金海岸二期隔離，係蟠龍半島嗰邊，係西餐嚟🤓父親節我哋一行六人本身叫咗4個餐，之後再嗌多咗嗰🤓 味道係真係幾好，但性價比真係唔算高，呢度食得一係住呢頭，一係就特登揸車過嚟🫣 佢set dinner，主菜外有沙律、湯、甜品同飲品，沙律係尼哥斯吞拿魚沙律🥗，佢做到賣相，但嗰吞拿魚就無乜味😂 湯都okay嘅🤔 甜品可以形容有賣相但好難食😂 飲品就正正常常嘅奶茶咖啡，無乜特別😗到主菜了🤓珍寳帶子意式茄蓉海鮮燴飯 $378 - 好普通水準嘅燴飯，完全唔值呢嗰價😂香煎三文魚柳拼帆立貝松露忌廉汁 $388 - 外脆內軟嘅三文魚，味道質素都唔錯，但一定唔值呢個價🤔炭燒黑毛豬鞍配菠蘿 $448 - 呢嗰都俾我想像中超水準，整得一啲都唔Un，都真係幾好食😋烤焗寳酥羊架配露絲瑪莉汁 $448 - 整得好好👍🏻呢嗰我會形容為必叫，不過呢嗰再encore再一嗰set，水準做得返，但size做唔返，希望俾客人嘅份量都可以平均啲🤔呢三個都有嗰共通點，就係佢啲薯蓉做得好滑，就咁食/加埋主菜/啲sauce食都好正
父親節我哋一行六人本身叫咗4個餐，之後再嗌多咗嗰🤓 味道係真係幾好，但性價比真係唔算高，呢度食得一係住呢頭，一係就特登揸車過嚟🫣 佢set dinner，主菜外有沙律、湯、甜品同飲品，沙律係尼哥斯吞拿魚沙律🥗，佢做到賣相，但嗰吞拿魚就無乜味😂 湯都okay嘅🤔 甜品可以形容有賣相但好難食😂 飲品就正正常常嘅奶茶咖啡，無乜特別😗
到主菜了🤓
珍寳帶子意式茄蓉海鮮燴飯 $378 - 好普通水準嘅燴飯，完全唔值呢嗰價😂
香煎三文魚柳拼帆立貝松露忌廉汁 $388 - 外脆內軟嘅三文魚，味道質素都唔錯，但一定唔值呢個價🤔
炭燒黑毛豬鞍配菠蘿 $448 - 呢嗰都俾我想像中超水準，整得一啲都唔Un，都真係幾好食😋
烤焗寳酥羊架配露絲瑪莉汁 $448 - 整得好好👍🏻呢嗰我會形容為必叫，不過呢嗰再encore再一嗰set，水準做得返，但size做唔返，希望俾客人嘅份量都可以平均啲🤔
呢三個都有嗰共通點，就係佢啲薯蓉做得好滑，就咁食/加埋主菜/啲sauce食都好正🤤
中間仲有啲小插曲，佢會上完沙律再上湯，咁我哋share，所以叫嗰女員工俾兩隻碗仔我哋，佢問我哋係咪俾小朋友用😲(我哋6個點睇都一定係大人)，不過佢之後都識收返話好🫢 之後佢話無碗仔，拎咗兩隻碟嚟🫨 我呆咗望住大家，之後再舉手🙋🏻♀️話要碗仔，佢又拎到😂
整體嚟講，呢度食物質素係okay嘅，環境都真係幾舒服嘅，服務態度就睇下邊個serve你，其實女同事都唔係差，係無用心去睇嗰客要乜🫨 佢送湯嚟，檯面又無其他嘢食😂 唔知係因為父親節先調高價錢定點(我睇返Openrice之前啲menu好似無調高到)，如果呢嗰係平時嘅價錢，就只可以嗌扒餐😂 因為都算值得試下，特別係羊架🤔 如果對肉無乜特別喜好，就唔應該選擇呢度，加埋選址成件事相對普通🤔
張貼
