影片
更多
2009-10-25
35 瀏覽
今日同同事放工後去九龍城食飯，去九龍城食飯當然最好就係食泰國嘢啦！有同事建議去呢間唔係咁出名的食肆，環境同一般茶餐廳咁唔係好大，大約得十多張枱，而每張枱只可以容納四五人，幾迫夾，唔適合一大班人食飯。步入正題，講番啲嘢食，我哋五個人共叫咗九碟唔同嘢食:馬拉盞炒通菜: 炒得好靚，好少見啲菜上面有咁多蝦干舖面，好味道串燒: 我哋分別叫咗三串豬同牛，略嫌乾身，不過值得一讚佢哋好體貼咁抽起哂啲籤，令我哋食得嚟方便好多蝦餅: 通常泰式或越式蝦餅都唔會整得好差，咁呢度都唔例外，仍然好體貼咁幫我哋切開細細件泰式炒金邊粉: 我對炒粉冇乜要求，但求唔乾身同有味道，咁呢度都做得到，同事就話好好味細冬蔭公湯: 呢度個冬蔭公湯好啱我呢啲小棘人士，少少棘少少酸好好味，一碗都夠四、五人每人飲一細碗咖喱雞: 呢度咖喱分黃咖喱、青咖喱同紅咖喱，我哋叫咗個黃咖喱雞，少少棘，不過特別在汁有好多，但啲雞就好細件同唔係好多，不過就幾合我口味，同事就話麻麻，佢适呢度啲青咖喱好味好多，或者下次再試下蒜蓉包: 咖喱胆拖之選，好鬆化，配合大量咖喱汁，簡直係賣飛佛生蝦刺身: 好少食泰國嘢會食生嘢，所以見到生蝦開頭都幾驚，好似冒住生命危險
步入正題，講番啲嘢食，我哋五個人共叫咗九碟唔同嘢食:
馬拉盞炒通菜: 炒得好靚，好少見啲菜上面有咁多蝦干舖面，好味道
串燒: 我哋分別叫咗三串豬同牛，略嫌乾身，不過值得一讚佢哋好體貼咁抽起哂啲籤，令我哋食得嚟方便好多
蝦餅: 通常泰式或越式蝦餅都唔會整得好差，咁呢度都唔例外，仍然好體貼咁幫我哋切開細細件
泰式炒金邊粉: 我對炒粉冇乜要求，但求唔乾身同有味道，咁呢度都做得到，同事就話好好味
細冬蔭公湯: 呢度個冬蔭公湯好啱我呢啲小棘人士，少少棘少少酸好好味，一碗都夠四、五人每人飲一細碗
咖喱雞: 呢度咖喱分黃咖喱、青咖喱同紅咖喱，我哋叫咗個黃咖喱雞，少少棘，不過特別在汁有好多，但啲雞就好細件同唔係好多，不過就幾合我口味，同事就話麻麻，佢适呢度啲青咖喱好味好多，或者下次再試下
蒜蓉包: 咖喱胆拖之選，好鬆化，配合大量咖喱汁，簡直係賣飛佛
生蝦刺身: 好少食泰國嘢會食生嘢，所以見到生蝦開頭都幾驚，好似冒住生命危險咁食，不過食落又覺得好正，好鮮味同爽口，點埋啲酸棘汁好正，我諗我下次都會再食
整體嚟講都樣樣都好食，不過我返屋企後就覺得好口乾，飲好多水至得，唔知係咪食泰國嘢ge後遺症呢！
張貼
