阿夫利拉麵 (The ONE)

營業中

休息中

餐廳好闊落，位於The One 商場嘅邊邊位，玻璃位可以睇到夜景；同樣都係用自助售票機，但可以用信用卡/ 八達通付款，揀選自己想要嘅食物，自己俾錢就搞，所以無加一服務費。柚子鹽味拉麵 $98 / 柚子醬油拉麵 $98佢地主打係柚子湯底嘅拉麵，所以點咗鹽味同醬油各一個試。鹽味嘅柚子湯底比較突出，所以醬油嗰個就有多少少鹹，無咁香柚子味。麵條就係幼身，偏軟。每碗都已經包半隻糖心蛋、少少水菜、一片叉燒同一塊紫菜；麵嘅份量正常，但配料比較少。唐揚炸雞 5 件 $68無太多炸粉，幾好；但味道普通，唔太香口。鹽味雞湯餃子 6 件 $68佢地除咗主打拉麵之外，另外就係雞湯餃子，所以點咗一碗試吓；但有啲失望，食落同街邊食餃子無咩分別，而且上面兩塊檸檬配湯好怪😓😓 檸檬梳打 $38 / 柚子青檸梳打 $38不過不失，正常味道。