吃茶三千 (已結業)

食完車仔麵後再喺新都城四周圍行下，頭先無飲嘢，而家就買番兩杯補數。我哋幫襯咗二期地下以前戲院個位嘅「吃茶三千」😁。之前喺將軍澳踩完單車飲過一次，味道都OK。今次幫襯就試啲唔同嘅，女店員超好人細心介紹，上次無的🙊。店舖話大唔大，話細唔細，入面有三個女店員負責舖頭一切👧🏻。整飲品嘅位置同佢哋整嘅過程一目了然，感覺乾淨衞生。國王珍珠奶茶($30)，呢杯店員話係必飲推介，佢係由鳳眉紅茶+皇家厚奶+國王珍珠組成。由於鍾意重口味，所以要咗完美糖度同正常冰量。估唔到奶茶無減糖都唔太甜啵👍，奶茶味道有浸獨特嘅香氣(可能係麥芽？)，毫無茶澀味，口感細滑🍵。珍珠份量都多，但就正正常常，唔算十分Q彈吧。青檸芬朵西($29)，佢即係青檸原汁+特濃牛乳。朋友成日笑我係大肚婆，因為好鍾意食酸味嘅嘢，而🍋檸味亦係我常嗌嘅口味，因此我見到呢杯青檸特飲就即刻嗌咗，但佢溝奶🥛係乜玩法，檸奶😳？！利申我飲完無肚痛，飲落味道微酸幾清新，有啲似乳酸類飲品。我另外加嘅纖玉菓子(+$3)好正，店員無介紹錯，纖菓本身就應該係無味的，但勝在口感好爽，咬落好得意。飲品嘅包裝好別緻，膠杯外再套入一個用紙皮造嘅托，配以麻繩吊住，咁樣就算無膠