PizzaExpress (已結業)

一直想去赤柱露天果間 pizza express, 但每次去到都要等位，結果次次都轉場去美利樓食飯。原本想落 apm 一田買野番屋企開餐，但無野睇啱，apm 其他餐廳又排哂隊， pizza express 有位, 於是乎入咗去開餐。點咗個 set dinner, 頭盤蒜蓉包，主廚精選沙律，植物雞羽衣甘藍醬薄餅。打開個餐牌，雖然個餐牌制作精美，但係..... 總係搵唔到一款啱自己口味嘅 pizza，可能我食開 pizza hut, pizza box 吧....蒜蓉包同我食開同想像中嘅蒜蓉包完全唔同，可惜.... 蒜味不足。Pizza 份量偏細，植物雞？同素雞有咩分別？名稱高級d？另外 pizza 奇怪地偏甜，芝士亦明顯不足。我中意食脆底嘅 pizza, 眼前嘅 pizza 係軟糯口感。好明顯，pizza express 完全唔夾我口味，that why 點解次次落到赤柱都無緣入去，原來係有原因，個天都唔想我去！貴，唔好味，份量細，料唔足，絕對俾唔落好評囉......