影片
更多
2013-08-05
116 瀏覽
尋日(4-8-2013 Sun)係全民運動日,女友人IN幸運地book到3個鐘o既羽毛球場,咁我就有得打o勒.我o地打到7點走人搵o野食,連同我男友,女友人WK, F, LT同佢兩個女,六大兩細諗食咩o野,終於決定食Pizza Hut,我o地o黎到都幾多人等,其實都預o左,o岩o岩係開始食飯時間,不過我o地等大枱,第三張就係我o地,咁唔怕啦.我o地係咁等係咁等,入得去全部都係2-4人,由八十幾號飛叫到接近我o地o既96號飛,都未聽叫過大枱No.,真係等o左好耐,我兩次睇見出面有兩張並排o既四人枱吉o左,個接待o既男receptionist就畀晒2人入去坐,於是我行去睇佢張表.咁o岩前面一大班人嘈佢要枱,佢就安排畀佢o地,部份人入o左去先.我睇到張表,mark o左我o地o既No.係o係7:18pm到,而有個未入去o既八十幾號起,入o左去o既細枱,7:33pm到o既都入o左去,即係佢真係係咁畀細枱入唔畀大枱入,有冇攪錯呀!我睇睇錶,呢個時間已經係7:55pm.而o個批未入去o既一人個女人同我講,佢o地等o左成個鐘,嘈佢至畀枱. 咁其實佢有mark低客人o黎到o既時間,即係知道邊啲人等得
我o地係咁等係咁等,入得去全部都係2-4人,由八十幾號飛叫到接近我o地o既96號飛,都未聽叫過大枱No.,真係等o左好耐,我兩次睇見出面有兩張並排o既四人枱吉o左,個接待o既男receptionist就畀晒2人入去坐,於是我行去睇佢張表.
咁o岩前面一大班人嘈佢要枱,佢就安排畀佢o地,部份人入o左去先.我睇到張表,mark o左我o地o既No.係o係7:18pm到,而有個未入去o既八十幾號起,入o左去o既細枱,7:33pm到o既都入o左去,即係佢真係係咁畀細枱入唔畀大枱入,有冇攪錯呀!我睇睇錶,呢個時間已經係7:55pm.而o個批未入去o既一人個女人同我講,佢o地等o左成個鐘,嘈佢至畀枱.
咁其實佢有mark低客人o黎到o既時間,即係知道邊啲人等得耐啦,咁點解唔拼埋啲枱畀一大班人o既入?咁mark低有咩o野用?我o地又繼續等,WK開始發火,話再唔拼枱佢就拍枱.又話一係我o地分兩張枱坐,到有時坐返埋一齊.我就問o個個男receptionist,點解大枱耍等咁耐?佢好委屈咁話,已經同啲客講o左,有客人等o緊,個半鐘就要交枱,但佢o地仍加單.
就算係咁,咁點解有枱可以拼佢唔叫人拼?係佢唔識轉彎定想製造好多客o既效果?我o地係等到冇晒其他客,淨返我o地,甚至後面又有一pair客人o黎,佢都即畀枱佢o地.WK重覆拍枱,個男receptionist至問入面兩張枱可唔可以拼埋?然後至畀到我o地,時間係8:09pm,足足50分鐘.50分鐘,我o地大部份人都好肚餓,包括LT o個兩個細路女.要我o地等半個鐘我o地覺得可以接受,但等成個鐘同埋係咁畀後過我o地o黎客人入座,呢點絕對唔可以容忍.
而今日寫呢篇食評時,嬲到打電話去佢o地o既head office投訴,但原來佢o地冇head office,我唯去打去外賣熱線問,佢o地都話冇咩customer service o既電話,叫我打去呢間分店搵經理.我話我唔想由呢間分店處理返,佢就畀另一個人聽我講.我講o左後,佢話會同分店反映,亦叫我留低電話,留低o左後冇耐,呢間分店經理打畀我,問完後再問返佢o既同事.
然後又覆返我,話當時2-4人枱係叫o緊6點幾去到o既2-4位,六十幾號o既客人入去,因為當時清得好慢.其實佢講咩呢?佢意思係我o地7:18pm到時,個男receptionist至叫到o個啲No.,OK,fine,冇問題.但我講o既係7:55pm,我o地仍未有枱時,7:33pm到o既2-4人已經早過我o地入座.我真係接受唔到呢個”解釋”囉,而結論係,去Pizza Hut唔好一大班人去;或者,大家要醒目啲,分開人數分枱食.
入到去,我o地都快快點分別點二人同四人意式手製pizza餐各一,價錢係$228.00同$452.00,而因為LT大女LWT只鍾意食肉醬意粉,所以另外叫畀佢.
兩個餐合共有以下食物:
1. 黑椒海蜆炒意粉
o係點餐時,由於大部份人都唔食辣,而且枱上都有黑椒碎,但唔想叫野菌意大利飯,就問個女仔呢個會唔會好辣?佢唔識答.咁我就叫佢呢個請落少啲黑椒.
呢個睇落都幾多蜆,黑椒亦都唔係落得多,食落,味道都係正常冇乜問題.2,3. 蘑菇忌廉雞湯同意大利菜湯
我飲前者,質地偏稀,味道尚可;而男友飲o既意大利菜湯就冇畀意見,都係咁啦.4. 香蒜芝士白汁蜆肉薯蓉
由於一客份量唔多,我o地每人只分到一湯匙試食,呢個熱騰騰,而我分到o既係冇蜆肉,薯蓉都幾滑o既,芝士同香蒜味我就食唔到.5. 蝴蝶蝦三式拼盤
Menu上冇寫有咩o野,原來有唔知咩o野雞中翼同脆皮腸各四件,
我同男友只食到雞中翼同脆皮腸,脆皮腸冇特別啦,而雞中翼,男友話食到檸檬味.我食就覺得冇乜特別.6. 菠菜薯蓉
呢個有啲菜o係入面,比之前o個個香蒜芝士白汁蜆肉薯蓉豐富啲,但同樣地,一人試一湯匙.7. 肉醬意粉
呢個只係LWT一人食晒,但WK幫佢’了’開睇,話肉醬少到極,只係薄薄一層.然後兩個pizza一齊到.
8. 水牛芝香pizza
我只記得有水牛芝士,酸青瓜,菠蘿同牛肉丸.
呢個一食落去有驚喜,最主要係茄醬酸甜得o黎惹味,好好食.9. 菲達之海pizza
Menu介紹係菲達芝士,大蝦,菠菜同香濃茄醬
呢個
味道比水牛芝香失色,講明有香濃茄醬,但我反而食唔到,味道淡淡的.10. 烤雞田園沙律
送到o黎我至記得農曆年同女友人TW o係荔枝角食過, (o個個食評:http://www.openrice.com/restaurant/commentdetail.htm?commentid=2284115&tc=sr2&con=rvw)呢個同樣地烤雞少同唔香,不過冇咁乾,有啲肥,味道都同上次食o既差唔多吧.11. 菠菜芝士白汁肉腸長通粉
呢個味道淡淡,冇乜特別,OK吧.12. 雞肉煙肉意粉配拿破崙汁
呢個我最後至食,乾到冇人有,拿破崙汁少到冇人有,而且味道唔夠,好難食.o衣o家睇返menu,原來冇菠菜薯蓉,咁,即係侍應攪錯o左,我o地亦係唔知情o既情況下食o左.
服務:
除o左上面講o既等位服務差劣外,我o地order完o野等o野食,耐都算,可以體諒,但,點解湯同汽水呢啲咁簡單o既o野都可以唔係即刻有,而係一個意粉先到,重要問至畀?
我o地食完o野叫埋單,F順口問一個女仔有冇咩discount,個女仔好倔咁講一個’冇’字.
睇o黎呢間分店o既員工要接受陪訓至得喇,而o個一分只係畀聽order o個個女仔.
價錢:
由於我o地加肉醬意粉時,冇再睇餐單就咁叫,到埋單睇至知係$55.00,連加一呢餐係$808.50,其實真係唔想畀加一o個$73.50.
今次人均消費計7個人,味道亦唔計肉醬意粉,係2.76分
張貼
