仰光粉麵店 (已結業)

好少見到香港有緬甸菜式既餐廳，所以興致勃勃咁走去試下。我叫咗個緬甸自選雙拼湯麵 ($56)，揀咗扎肉同魚丸。除咗我揀個2樣餸之外，個麵入面仲有有蛋、豬紅同肉粒。個湯底既色好似叻沙，第一啖飲落去有好濃既椰漿味、甜甜地。但成個湯麵食落去就只係得個甜字，而無其他味。就算我落咗辣椒粉落去都完全食唔出，因為個個湯椰漿味太甜而掩蓋哂其他野。啲餸都似係烚完就咁放入個麵度，完全無味。所以食食下真係覺得愈黎愈黎難食。雖然我未試過呢間餐廳既其他菜色，可能其他野會正常啲。但好肯定既就係呢個緬甸湯麵真係好伏，如果係專程想試緬甸菜既人一定會失望而回。