銀都冰室

營業中

休息中

見到雜誌專題介紹茶記，這間還是專題第一版，專程去到華富村試下。雜誌推介菠蘿包及蛋撻，所以一坐底先食呢兩款。菠蘿包不是剛出爐，仍有微暖。包面唔夠脆、而包身較實，不夠鬆軟的。蛋撻真係新鮮出爐，難食極有限，酥皮不是十分之鬆化，有好多茶餐廳會好食過佢。我再食個特餐，火腿奄列-薄薄的蛋塊，表面又多氣孔，未食已知又老又"鞋"；牛油方包-佢d麵包是自家製的，方包亦麻麻，質地較重較濕，唔夠乾身；叉燒湯意-ok啦，不是腍腍的意粉；奶茶亦是普通貨式。而老公食快餐的秘制豬扒麵，豬扒唔錯，夠鬆化又入味。如果我是街坊，為了方便，我可能會是常客，可是我唔係，試過一次後，不值得由老遠再來。p.s.是日大王都有去，等緊佢個食評。