壹火鍋

營業中

休息中

已經食過幾次，呢度嘅雞煲幾好食，啲雞肉好嫩滑，非常入味。雖然之後用嚟放湯，個湯底未必好味，但係可以自己加配料，整一個好好味嘅湯底。佢可以追加嘅所謂靚牛肉，試咗第一碟，相信你都知道可以唔使追加，本身嘅肥牛已經好好味。其他可以點嘅配料，例如五花腩肉，墨魚滑，蝦滑，全部都水準OK，基本上唔需要再加錢再追加其他嘢，不過今次見大家推薦海鮮船，好奇心之下都叫咗一次。不過我就非常之唔好彩，當時鮑魚賣晒，佢同我轉咗帶子，但係帶子非常之薄，亦都唔係好新鮮，所以望到海鮮船嘅時候，不期然感到非常失落。如果嚟呢間我會推薦嘅係出面可以自己夾嘅魚腐、炸墨魚條、粟米同蟹柳，雖然好簡單嘅食物，但係用嚟打邊爐真係好好食。